AZL: MNF Thalai Vice President Zodinpuia chuan Mizoramin MLA inthlanpui a hmachhawn turah bial 26-ah hnehna an chang chiang tawha an inngaih thu a sawi.
Mizoram khawchhak lam khaw hrang hrang tlawha a zinnaah MNYF vice president leh MNF Campaign Directorate-a secretary, Zodinpuia chuan, “Mizoram MLA inthlanpui neih turah MNF chuan bial 26 ah hnehna a chang dawn tih a lang chiang tawh a, bial dang 14-ah pawh MNF hmasawnna chak takin a thang chho mek a ni,” a ti.
Zodinpuia chuan Covid-19 lengin a tihbuai loh MNF sorkar thar hmu turin mipui an insingsa mek tih a sawi a. Ram hmasawnna kawngah chak leh zual a thawk turin mipuiten MNF-ah rinna an nghat lian hle tih sawiin, Mizo mipui beisei leh rinna tihhlawhtling turin MNF pawh a inpeih tawh niin a sawi.