Malayalam film industry-a actress hriathlawlh leh lar tak ni bawk Renjusha Menon chu thi-a hmuh a ni a, intihlum nia rin a ni.
Kum 35 mi Menon hi Thirvananthaprum, Kerala-a a chenna apartment-ah thi-a hmuh niin, an hmuh lai hian a taksa hi a inkhai.
A pasal nena an chenna aparment-a a thih dan hian mi tam tak a barakhaih a, report thenkhata a lan danin, sum leh pai harsatna namen lovin a tlakbuak nasa, tih a nih laiin, police thuneiutte chuan chhan dang a awm leh awm loh enfiah tumin hma an la bawk.
Renjusha pasal hi actor ve tho niin, a nu leh pa an la dam a. Malayalam films and television serials-ah a inlan thin bakah producer ang te pawha hriat a ni.
A thih thu hian fan te nasa takin a barakhaih a, Malayalam film industry tan channa nasa tak a tling ngei dawn a. Mak angreng takin a thih hma darkar tam vak lovah Instagram-ah video funny deuh a post tlat mai kha a ni. Hei hian zawhna a titam a, ngaihdan leh thu inchuhna nasa takin a tipung mek nghe nghe.