Champhai District-ah inthlan ralmuang leh felfai neih a nih theihna tura dan leh thupek kenkawh leh venhimna kawnga hm- alakna te thlirhin nimin khan a kaihhnawih mipawimawhte an thukh- awm a. East Tuipui bial General Observer Sanjay Kumar, Champhai District Expenditure Observer Abhishek J Jain leh Champhai District Police Observer Sukesh Kumar Jain te pawh an tel.
Election Observer-te chuan Election hma- chhawn tura Champhai district inpuahchahna leh ruahmanna awm hrang hrangte tha an tih thu sawiin, election kaihhnawih dan leh thupek kenkawh leh venhimna kalpui chu Election Commission of India duh dana hma la chhunzawm zel turin Champhai District official-te chu an chah.
Inthlan vuakveta Champhai district-a ve- nhimna hna thawk turin CAPF company pali awm mekin, Mizoram Police atangin duty tur mi 300 chuang ruat an ni bawk a. Police leh CAPF te hian Champ- hai District hmun hrang hrangah patrolling kal- pui mekin, Flying Squ- ad leh Static Surveillance Team te nen an duty ho bawk.
Security kaihhnawihah Champhai District chu zone 5-ah then niin, zone tin chu anmahni bialtu theuh Police Zonal Officer ten an vil a. A tula che chhuak nghal thei tur Quick Response Team engemawzat din niin, Cha- mphai, Hnahlan, Zokh- awthar, Dungtlang leh Fakrawn ah te Police Check Post siam a ni bawk a ni.
MLA inthlan lo awm tur atan Champhai District chu Sector 12 ah then niin, Champhai North bialah Sector pali; Champhai South bialah Sector pathum leh East Tuipui bialah Sector panga a awm a. Sector tinah Sector Officer leh Sector Police Officer pakhat ve ve duty in, Anmahni sector chan theuhah inthlan tluang leh felfai taka kalpui a nih theih nan ruahmanna – Sector Management Plan an siam fel tawh a ni.
Champhai District Final Electoral Roll, 2023 a lan danin Champhai District ah voter 57180 an awm a, an zinga 27880 chu mipa niin, hmeichhe voter 29300 an awm. Polling Station 84 awmin, Ch- amphai North ah 30, Ch- amphai South ah 25 leh East Tuipui ah 29 a awm.