Ukraine chuan an ramah martial law an tih an hman mek avangin Russian mipa, kum 16 leh 60 inkar chu luh an phal lo.
He khapna thupekah hian inngaihhnathiamna erawh a awm a, mi vui tura kalte erawh dan an ni dawn lo va, Russia lamin an thenawm ramin hetiang dan a hman mek hi engtin mah a la chhang let lo.
Martial law hi Ukraine-ah hian an ram bial (region) 10-ah December 26 thlenga hman tur a ni dawn a. He law hman tur hi Ukraine president-in an thenawm, Russia-in an lawng 3 leh a thawktu mi 24 a mansak hnuah an ram a rûn zui mai a hlauhthawn avangin an hmang a ni.
Ukraine hian Pathiannia Black Sea-a an lawng leh thawktute mansak an ni chu khawvel dan (international law) bawhchhiatna niin a sawi a, Russia erawh chuan an ram tuipui an dai avang niin a sawi thung.