Aizawl : Khawzawl district-a Tuichang MLA bial chhunga vote nei 2nd IR Battalion mi leh sa te leh SP Office, Khawzawl-a Police awm ten nimin khan postal ballot hmangin vote an thlak.
Vawiin leh naktukah te pawh inthlana duty tur ten vote an thlak chhunzawm bawk ang. 1st IR Battalion, Mualvum ami te pa- whin nimin vek khan Kolasib-ah postal ballot hmangin vote an thlak a. Kolasib District Election Officer John LT Sanga’n 1st IR Bn te vote thlak hi a enpui.
Kolasib DEO chuan MLA inthlan hmachhawn turin Kolasib district chu a inpeih fel tawh tih sawiin, inthlan kaihhnawiha training leh hmalakna hrang hrang pawh hunbi ruahman sa anga tluang taka an hlen theih zel thu a sawi a. Inthlan felfai, thianghlim leh muanawm a awm theih nan inthlan buaipuitu official-te, political party, tlawmngai pawl leh mipui te chu mahni zawna tih tur leh mawhphurhnate ṭha taka hlen chhuak turin a chah.
1st IR Bn te hi district hrang hranga inthlan duty turin vawiin ah an chhuak tawh dawn a. Kolasib-ah hian Kolasib district chhunga vote nei ten vote an thlak a. District danga vote nei te pawhin a remchan danin postal ballot hmangin vote an la thlak ve leh dawn a ni.