American tennis star Jessica Pegula chuan world number one Aryna Sabalenka chu straight set in a hneh a. WTA Finals-ah semi-final a lut.
Mexico a khelh mek season kharna inelnaah hian kum 29 mi Pegula hian match point vawi sarihnaah 6-4 6-3 in hnehna a chang a. Sabalenka hian nidang pha lovin vawi 33 lai tihsual avanga point chawi a nei.
Pegula hi a top 10 player laka inkhel a hmachhawn hnuhnung pangaah a chak vek a, hei vang hian rank sangte inelnaah hian hlawhtling tura rin a hlawh hle.
Inkhel dangah Elena Rybakina chuan Maria Sakkari 6-0 6-7 (4-7) 7-6 (7-2) in a hneh ve thung a. Sabalenka nen hian tukin khan inkhelin an group atanga semi-final hmun pakhat la awm chang tur zawk an zawng ang.