Mizoram Thalai Kristian Pawl (MTKP) rorel vawi 69-na thu pass, ‘Mizoramah tun aia rorelna dik a awm theih nan MTKP-in hma la rawh se’ tih bawhzuina pakhat atana Awareness Video Clip pathum a buatsaih chu BCM General Secretary, Rev. R. Lalbiakliana’n a tlangzarh.
Thawhlehni zana BCM Hall, Serkawn-a tlangzarh inkhawm hi MTKP Secretary, Rev. F. Zorinkhuma’n a kaihruai a. Rev. R. Lalbiakliana, General Secretary, BCM chuan Video clip hlanna leh tlangzarhna hun a hmang a. Rbt. Joseph B. Zirsangzuala, Secretary MTKP Media Cell-in ‘Rorelna dik’ chungchanga MTKP leh Media Cell hmalakna tlangpui report a pe bawk.
Heng video clip-te hi MTKP-in a sawm angin, MTKP Media Cell; TKP Trinity Unit, Zobawk North; TKP Venghlun Unit, Lunglei ten an buatsaih a ni.