Spanish champion Barcelona chuan Mexico international Santiago Giménez chu an ngaihven a, ngaihventu a ngah avangin Feyenoord atangin lakchhuah a awlsam dawn lo tih hre mahse lakluh theih dan tur an zirchiang.
Kum 22 mi Gimenez hi tun season-ah Eredivisie-ah che tha hle in goal 13 a khung tawh a. UEFA Champions League-ah goal hnih a khung tawh bawk.
A chetthat em avang hian Europe a club lian hovin an ngaihven ngawrh tawh hle a, heng zingah hian Catalan club pawh hi telin European football-ah a mikhual loh nghal em avangin an awt.
Nikum khan an ram club Cruz Azul atangin Feyenoord hi a zawm chauh a, mahse hma a sawn chak avangin Barcelona hian an scout te chu Gimenez zirchiang tur hian tunhnaiah hma an la nasa zual.
Hetihlai hian Spanish club hian an sum dinhmun avangin tunhnaiah lalut nghal turin harsatna an nei dawn tih an inhria a, nimahsela an hmalam hunah lakluh theihna remchang a awm hun atan an inralring.
Brazilian club Athletico Paranaense atangin forward Vitor Roque lalut tura inremna an neih tawh bawk avangin an striker mamawhna chu hun engemaw chen chhung sang tak ni lo tura ngaih a ni tel bawk.