Excise & Narcotics Department (END) chuan thuchhuah siamin, sipai canteen-te tana MLA inthlan lo awm tur denchhena dry day puan tawh bakah, ni khat dang dry day puan belh a nih thu an tar lang.
END chuan, “The Mizoram Liquor (Prohibition) Act, 2019 hmanga Mizoram chhungah zu khapna dan hman a nih mek laiin Mizoram General Elections 2023 lo awm turah Rule 5 of The Mizoram Liquor (Prohibition) Rules, 2022-in thuneihna a pek angin Commissioner of Excise & Narcotics chuan Mizoram chhunga military canteen-te tan vote thlak ni hman leh vote thlak ni (November 6 leh 7, 2023)-a zu hralh leh in khapna a tihchhuah tawh bakah, vote chhiar ni, December 3 (Pathianni) ah zu hralh leh in khap a ni,” an ti.