- Ruata
German company lar leh hlun Volkswagen chu an midsize SUV tihchhuah mek Taigun chu edition thar, Taigun GR Trail Edition tihchhuah a ni dawn.
Midsize SUV huangah hian Hyundai Creta, Maruti Suzuki Grand Vitara, leh Kia Seltos te bakah lirthei dang dang awmin he huangah hian market lamah inelna sang tak a awm mek a. He huanga lirthei te hi India ramah tunhnai chhoah hralh a kal viau mai a, Volkswagen hian an lirthei hralhna tihpun tumin hma a la nasa hle a, tuna special edition tur pawh hi an hmalakna zinga pakhat pawimawh tak a ni.
Kumin kum tir lam khan VW company hian Taigun hi trim thar, color leh special edition thar an rawn siam chhuak tawh a. Vawiina tlangzarh tura beisei Volkswagen Taigun GT Edge Trail Edition hi a thlalak pawh internet lamah a darh leh mek tawh a ni.
- VW Taigun GT Edge Trail Edition ah eng nge kan hmuh dawn?
Volkswagen Taigun GT Edge Trail Edition lo chhuak tur hian 17 inch black alloy wheel a nei a, red brake caliper a nei bawk. Design element langsar tak takte chu functional roof bar, black ORVM with red accents, black roof, black door garnish, fresh body graphics, rear fender-a decal, leh tailgate-a ‘Trail’ badge te a ni a, hei hian standard model aiin a ti danglam bik hle a ni. He special edition hi rawng langsar tak tak pahnih – Deep Black Pearl leh Carbon Steel Gray Matte duhthlan tur a awm dawn a ni.
Taigun Trail Edition chhûnglam hi chu tuna chhuak mek nen a inang deuh reng dawn a. Hetihlai hian leather seat dum, Wild Cherry Red-a thui mawi leh thil thenkhatah danglamna a awm thung a. Hei bakah hian red ambient lighting leh aluminum pedal te a awm bawk a ni.
Taigun Trail Edition hi Taigun man to ber chi nghahchhana duan a nih avangin kentel pawh a awm nual a. Chungte chu ventilated front seat leh leather insert, 8-inch fully digital instrument cluster, 10-inch touchscreen infotainment system wireless smartphone connectivity awm, wireless charging, auto-dimming IRVM, electric sunroof, tyre pressure monitoring system, Active Cylinder Technology (ACT), engine start-stop button, leh cruise control te bakah thil dang dang a awm a ni.
Volkswagen Taigun GT Edge Trail Edition hian 1.5L petrol engine a hman hmel a. He khawl hian 148bhp power leh 250Nm torque a pe chhuak thei a. Transmission lamah chuan 6-speed manual transmission leh 7-speed DCT automatic gearbox te duhthlan tur a awm dawn a ni.
Taigun special edition hi a chanchin kimchang leh dik famkim zawk kan hre thuai tawh dawn a, SUV tha leh changkang tak, midsize SUV huangah duhthlan tur a awm leh dawn a ni.