Hachhek bial BJP official candidate Malsawmtluanga chuan Hachhek bial mipuite harsatna sutkian mek zel a nih thu a sawi.
Hachhek bial chhung khaw hrang hrang a fan kualnaah, he biala BJP candidate Malsawmtluanga chuan, Hachhek bial mipuite eizawnna pui ber, kuhva thar chhuah hralhna tur chungchanga hma an laksak chuan rah tha chhuahin, kuhva rah pawh phurh chhuah a ni mek zek tih a sawi.
Mizoram sorkarin Hachhek bial chhunga kuhva chingtute harsatna an ngaihsak loh thu sawiin Malsawmtluanga chuan, thla hnih kalta khan kuhva chingtu pawl aiawhtete’n an harsatna sutkian sak turin Mizoram CM Zoramthanga puihna dil an tum a, mahse, chief minister in hmu duh lo vin, beidawng takin an haw leh nia sawiin, “Hetianga mahni khua leh tui te harsatna ngai pawimawhlo tu leh ngaihthahtu CM kan nei hi a pawi hle,” a ti.
Malsawmtluanga chuan Hachhek bial mipuite harsatna chu central hruaitu te bakah, Assam hruaitu te nen sawi ho a nih hnuah, tunah chuan kuhva rah ngei pawh phurh tlang a ni ta chu lawmawm a tih thu a sawi a. Mizoramah double engine sorkar a awm theihnan leh Hachhek bial mipuite eizawnna pawimawh ber pakhat, kuhva hralh kawnga harsatna an neih lohna turin BJP MLA atana an thlan tlin chuan, an tan khawiah pawh ding tura a inpeih thu a sawi.