MLA inthlan atan inbuatsaihna a kal chho zel a, district hrang hrang te inthlang turin an inpeih thawkhat tawh. Nimin khan Siaha-ah pawh General Observer P.S. Pradyumna leh District Election Officer hovin EVM leh VVPAT te a chhiat palh thulha a thlakna tur te buatsaih fel a ni.
Vote thlak ni a hman tura ruahman fel tawh EVM zingah chhia emaw khawl lama fellohna a awm palha a thlakna turin Saiha bial tan Balloting Unit (BU) 23, Control Unit (CU) 6 leh VVPAT 7 ruahman a ni a. Palak biala hman turin BU 23, CU 12 leh VVPAT 10 ruahman a ni bawk.
Kolasib-ah pawh nimin vek khan EVM leh VVPAT reserve tur te buatsaih fel a ni a. FLC hmanga endik ngai VVPAT 5 pawh endik a ni a. EVM engineer ten hman theih turin an buatsaih a ni.
Kolasib district-ah hian Tuirial bialah EVM/VVPAT set 26, Kolasib bialah EVM/ VVPAT set 29 leh Serlui (ST) bialah EVM/VVPAT set 34 hman tura buatsaih fel tawh a ni a. Niminah EVM leh VVPAT te a chhiat palh thuta a thlakna tur engema- wzat buatsaih fel a ni.
Nimin vek khan Serchhip-ah pawh EVM control Unit 15, Ballot Unit 33 leh VVPAT 12 chu reserve tura buatsaih fel a ni. Serchhip district-a MLA bial tin tan reserve Ballot Unit leh Control Unit 25% zel dah tura ruahman a ni a, VVPAT 35% dah tura ruahman a nih thu sorkar thuchhua- hin a tarlang bawk.