Aizawl : Mamit Sub. Headquarter YMA chuan nimin khan Mamit leh Dampa biala Independent candidate (Lalpa Chhiahhlawh Intelkhawm) Lalramdingngheti lakah Mamit Police Station-ah FIR an theh lut.
Mamit Sub. Hqrs. YMA chuan FIR an theh luhah, tun hnaia video darhah Lalramdingngheti’n a campaign-naa chi leh chi inkara inhmelmakna thlen thei thudik lo he’ng – Mizote’n Bru-te hmusit leh hnuaichhiah tak anga ngaih theih tura a sawi te, Bru-te hi Mizote chhiahhlawh atana Pathian pek anga Mizo history-a ziak a nih thu a sawite leh Bru-te hi Mizoram luah hmasatu ni anga a sawite chu thudik lo hul hual a nih thu an tar lang.
He thilah chi leh chi inkara buaina lian zawk thlen thei a nih avangin an ngai thu tak thu tar langin, Mamit Sub. Hqrs YMA chuan a sawitu zawn chhuahsak tur leh a tul anga hma laksak turin FIR an theh lut a ni.