ICC Men’s Cricket World Cup 2023 a chungnung fal taka khel India in semi-final hmun an tichiang a. An dinhmun tihchian dan erawh duhthusam a tha niin an fast bowler ten Sri Lanka an nghaisa hneh.
Ningani zana Wankhede Stadium a inkhelah India in World Cup chanchin a mahni mual a run an siam hnem ber tum hmangin vuak hmasak tir an nih hnuah run 357 an siam.
India tan tawnhriat ngah Rohit Sharma leh Virat Kohli te chetthat thinna tournament-ah hian chetthat mamawh pawh Shubman Gill leh Shreyas Iyer te an che tha a, run 92 Gill-a’n siamin ball 56 lek atang run 82 Iyer-a’n a siam ve bawk.
India vawm hun a thleng a, bowler rinrawl Jasprit Bumrah a che nghal. Ball hmasa berah Pathum Nissanka chu lbw in a chhuahtir nghal.
Mohammed Siraj-a hun a thleng. Over hnihnaah Dimuth Karunaratne leh Sadeera Samarawickrama te wicket a la. A ball vawm nat zawng leh ‘swing’ leh bounce a hlauhawm avangin Bumrah nen Sri Lanka batsmans-te lu an ti hai. Siraj bawkin a over hnih vawmnaah Kusal Mendis wicket a la leh bawk.
Tournament tha hmang mek Mohammed Shami-a’n a tawp a khar tha. Wicket nga la in ODI World Cup a India tana wicket la hnem ber ni turin wicket 45 a la tawh.
He result avangin India dinhmun a chiang tawh a, Sri Lanka tan beisei la awm mahse an chak vek a ngaih tawh bakah midang result-ah an innghat.
India captain Rohit Sharma chuan, “Kan tlin chian avangin kan lawm a, kan zavaia thawhhona tha rah a ni.” tiin a sawi.
- Ningani inkhel result
India vs Sri Lanka
India 357/8 (50 Overs)
Virat Kohli 88 (94)
Shubman Gill 92 (92)
Dushmantha Chameera 1/71 (10)
Dilshan Madushanka 5/80 (10)
Sri Lanka 55 (19.4 Overs)
Kasun Rajitha 14 (17)
Maheesh Theekshana 12* (23)
Mohammed Shami 5/18 (5)
Mohammed Siraj 3/16 (7)