Mizo Zirlai pawl chuan National Institute of Technology (NIT) leh National Institute of Electronics and Information Technology (NIELIT) hotute chu an zirna in chhunga harsatna hrang hrang awmte ching fel vat turin an ngen.
MZP hruaitute chuan ningani khan NIELIT, Aizawl-a Director in charge T Gunendra Singh chu a office-ah kawmin zirlaite harsatna hrang hrang awm te chu a rang thei ang bera hma la tur te, institute-ah inen hranna awm lo tura hma la turte in an hrilh a. MZP hruaitute ngenna angin November 17 ral hma ngeia Students’ Union din a nih theihna turin director hian notification a chhuah nghal a ni.
MZP hruaitute October 26 khan NIT Director Prof. S Sundar chu an lo hmu tawh bawk a, advertisement chhuah loa hna lak a nih thu te leh sum hman dan dik lo chungchang te sawipui a, harsatna awm mekte chin fel vat a nih theih nan a hma la vat turin an lo hrilh tawh a ni.