Brazilian forward Rodrygo chuan Real Madrid a contract a neihlai a pawtsei a, kum 2028 June thleng an hnena cham turin inremna an ziak.
Kum 22 mi Rodrygo hian kum 2019 khan Brazilian club Santos atangin Madrid hi a zawm a. An tan vawi 179 inkhel tawhin goal 39 a khung tawh.
Real-ah hian season nga a hman chhungin trophy pariat a la tawh a, heng zingah hian La Liga title pahnih leh Champions League trophy pakhat a tel.
Kum 2025 June a contract hmang zo tur Rodrygo hi season liamta khan Real Madrid in Copa del Rey final a Osasuna an hnehna tura goal hnih khungtu a ni a. A club chuan, “Rodrygo hi Real Madrid in tunhnaia trophy a lakte hlawhchhuahna kawnga tha thawhtu pawimawh a ni.” tiin a lakah hun rei zawk atan beisei sang tak an neih thu an sawi.
Los Blancos hian tunkar khan an forward dang Vinicius Junior chu kum 2027 June thleng daih tur contract thar an ziahpui tawh bawk.