Aizawl : Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, Ningani tlai khan RO office-ah a inlan.
Lalramdingngheti hi Bru hnamte hnena a thusawi chungchangah hn- am leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Ningani tlai lamah khan RO chu hmuin a thusawi chungch- angah a insawifiah a ni.
Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramding- ngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. Mamit bial RO hnenah hian ngaihdam dilin, thupha a chawi bawk.
Mamit bial RO V.L Remliana chuan tunh- nuah hnam thila inlaichinna tichhe thei zawnga thu sawi tawhlo turin Lalramdingngheti chu a hrilh a. Model Code of Conduct bawh- chhiatna a nih bakah India danpui palzutna a nih thu a hrilh bawk a ni.