Tunkar chhunga a vawi hnihna atan San Antonio Spurs in West lama Playoffs team tha ni tura ngaih Phoenix Suns an hneh a. An star player ni nghal rookie Victor Wembenyama bawk hnehna an chan nan a pawimawh.
Zirtawpni zinga Footprint Center a inkhelah hian Spurs in 132-121 in Suns hi an hneh a. Nilaini zinga 115-114 a an hneh tum ang lo takin tun tum inkhelah chuan el tham an ni tih an lantir.
Spurs hian hian inkhelah chan tha zawk changin fourth quarter-ah hma an hruai fal a, mahse Suns in a tawp lamah beiletin point 27 laia an hniam zawkna chu minute li leh second 21 a la awmin an nawhreh a, 116-116 ah an intluk hman.
Mahse Spurs tan NBA a season hmasa ber hmang tan chauh kum 19 mi Wembenyama a inlar a. A tawp lamah point 10 score in Spurs in chhanlet lohin point 12 an score a, hei hi hnehna an chan theih chhan a ni.
Wembenyama in point 38 score in tun season a a score hnem ber tum a ni a, Zach Collins chuan point 19 a thawh bawk.
“Hnehna chang turin a tawpah mawhphurhna latu an awm a ngai, ka kovah a tla a, ka ti a ni mai. Nidangah chuan ka teammate te kova a tlak hun a ni ve leh mai ang.” tiin Wembanyama chuan an thawhhona tha vanga chak an nih thu a sawi.