Kolasib district election officer (DEO), Bawrhsap ni bawk John LT Sanga’n nimin khan thuthar thehdarhtute kawmin, Kolasib district-a MLA inthlan vote thlak tluang taka zawhfel a nih avanga lawmawm a tih thu a sawi.
DEO chuan inthlan chu tih than a awm lo nia sawiin, chetsual palh theihna a tam hle chunga inthlan felfai tak buatsaih theih a ni chu a lawmawm zual niin a sawi a. Inthlan hlawhtling tak buatsaih theih chhan chu official-te, tlawmngai pa- wl, MPF, media, political party leh district mipuite thawhhona va- ng nia sawiin, lawma- wm a tih thu a sawi.
Media ten inthlan kaihhnawih an puangzar tha nia sawiin, DEO chuan lawmawm a tih thu a sawi a. An thu chhuah chhiar a nuamin a bengvarthlak niin a sawi bawk.
DEO hi Tuirial bial Returning Officer Mel- ody Ngurthantluangi, Serlui bial Returning Officer Lalmuan Puia, SDO (Sadar), Election Officer, Assistant Returning Officer-te leh DIPRO ten an tawiawm a. District MJA member engemawzat telin, Kolasib district chh- unga inthlan kalpui ch- ungchang thlirhovin an sawiho bawk a ni.