Aizawl District El- ection Officer (DEO)-in vawiina Muallu- ngthu polling station-a vote thlak thatna tura duty turin polling party hran hlak a ruat ten nimin tlai dar 3 khan an duty na tur an pan.
Chief Electoral Officer (CEO) office thu- chhuahin a tarlan danin, Muallungthu polling station-a vote thlak thatna tura duty tur polling party te hian nimin tlai dar 3 khan Aizawl Bawrh- sap Pisa chhuahsanin, dar 3:40-ah an duty na tur Muallungthu community hall an thleng a ni.
Commissioner & Secretary GAD chuan danin thuneihna a pek hmangin, Muallung- thu polling station-a vote nei sorkar hna- thawk ten vote an thlak theihna turin an tan chawlh a puang a. Commissioner, Exci- se & Narcotics deptt. pawhin nimin tlai dar 4 atanga vawiin tlai dar 4 thlengin Muallungthu polling station awmna bial Aizawl South III huam chhungah zu khap burna Dry Day puangin, he thupek hian Military canteen pawh a huam tel thu leh zu zawrh, hralh chhuah leh in khap tlat a nih thu a tarlang.
Aizawl DEO, Ba- wrhsap ni bawk Na- zuk Kumar chuan Muallungthu polling station huam chhung mipuite zawm tur thupek chhuahin, khawi hmunahmah mi 5 aia tam punkhawm emaw inhawrkhawm emaw phal a nih loh thu te, aurinna (loudspeaker) hman khap a nih thu te, thupek bawhchhiate chu dan hmanga hrem an nih tur thu te a tarlang a. He thupek hian Magistrate, Police leh Armed Force, Election Duty te leh medical emergency kaihhnawih thil te a huam loh thu a tarlang bawk.
DEO thupekah chuan political party leh candidate te tan campaign phal a nih tawh loh thu pawh tarlan a ni a. Aizawl South III biala vote nei ni lo, campaig-a hmun dang atanga he biala awm te pawhin he bial hi an chhuahsan tur a nih thu te, hei hian candidate leh election agent te leh party office bearer, state in-charge a ruat te a huam ve loh thu te a tarlang a. Danin a sai angin electronic media/social nmedia leh a tlukpui dangte ah inthlan kaihhnawih, mipui rilru sukthlek tidanglam thei thil te tarlan/ chhuah phal a nih loh thu leh mipui ngaihdan lakna ‘Opinion Poll’ siam leh ‘exit poll’ (vote thlak zote kawmna/zirbingna atanga inthlan result rinlawkna) neih loh tur a nih thu te, hei hian vote thlak tan hun atanga a zawh hnu darkar chanve thleng a huam thu te a tarlang bawk a ni.