Member 40 awmna Mizoram State Assembly inthlanpuia vote thlak neih zawh takah, bial hrang hranga report atanga a lan danin ZPM chuan sorkarna siam pha ngei tura an inngaih thu an sawi.
Nimin khan an pisa-a ZPM Elected Office Bearers thukhawm chuan MLA inthlanpui neih zawh tak an thlir let a. Inthlan buatsaihtute leh buaipuitute, venhimna lam buaipuitu zawng zawngte, inthlanna thianghlim, dik leh felfai a awm theihna tur leh sorkar inrelbawlna tha a awm theihna tura Mizoram People Forum (MPF) hmalaknaah te, inthlanna muanawm tak leh boruak tha tak petu Pathian leh thahnemngai taka vote thlaktu Zoram mipui zawng zawng chungah lawmthu an sawi.
Zoram hmun hrang hranga ZPM hruaitute thawhrimnaah lawmthu sawiin, kalphung thar, mipui sorkar a pian ngei theihna atana thahnemngai taka ZPM Candidate vote zawng zawngte chungah lawmthu an sawi bawk.