Cricket world champion ni lai England in beisei pha lo taka ICC Men’s Cricket World Cup 2023 an hman chu hnehna changin a tawp an khar a. Pakistan lakah run 93 in an chak.
Inrinni zana Kolkata a inhnekah hian Pakistan in semi-final a tlin beiseina beitham tak an nei a, mahse an tum ram thleng tur erawh chuan England nasa taka an sawp a ngai.
Vuak hmasak thlang England in over 50 chhungun run 337 an siam a. An tan Ben Stokes chuan run 84 siamin run 60 siam Joe Root nen run 132 partnership an neih a pawimawh.
Opener Jonny Bairstow leh Dawid Malan ten 59 leh 31 thawh bawkin a tawp lama Jos Buttler leh Harry Brook ten 27 leh 30 an thawh a tangkai tel.
England bowler David Willey chuan wicket thum la in a khat tawkin Pakistan wicket pawimawh an la leh thin a. Pakistan tan Salman Agha chuan run 51 siamin a thawh hnem ber a, over 43.3-ah run 233 siamin an out zo.
England hi group stage-ah pasarihna niin a sang pariat zingah an tel a kum 2025 a ICC Champions Trophy khel turin an tling chiang.
- Inrinni inkhel result
England vs Pakistan
England 337/9 (50 Overs)
Joe Root 60 (72)
Ben Stokes 84 (76)
Shaheen Shah Afridi 2/72 (10)
Haris Rauf 3/64 (10)
Pakistan 244 (43.3 Overs)
Babar Azam 38 (45)
Agha Salman 51 (45)
David Willey 3/56 (10)
Gus Atkinson 2/45 (8)
Bangladesh vs Australia
Bangladesh 306/8 (50 Overs)
Najmul Hossain Shanto 45 (57)
Towhid Hridoy 74 (79)
Adam Zampa 2/32 (10)
Sean Abbott 2/61 (10)
Australia 307/2 (44.4 Overs)
Steven Smith 63* (64)
Mitchell Marsh 177* (132)
Mustafizur Rahman 1/76 (9.4)
Taskin Ahmed 1/61 (10)
Zirtawpni inkhel result
Afghanistan vs South Africa
Afghanistan 244 (50 Overs)
Rahmat Shah26 (46)
Azmatullah Omarzai*97 (107)
Keshav Maharaj2/25 (10)
Gerald Coetzee4/44 (10)
South Africa 247/5 (47.3 Overs)
Rassie van der Dussen*76 (95)
Quinton de Kock41 (47)
Mohammad Nabi2/35 (10)
Rashid Khan2/37 (10)