Inrinni khan 3AR (Naga Hills) Commandant Col. Shisil Pandey leh Lunglei Lunglawna awm, a hoten India zalenna sualtu Darthawma (L), Indian National Army (INA) chu Lunglei Chanmari-a a thlanah kalin zahna chibai an buk.
3AR Commandant Col. Shisil chuan India ram zalenna sualtute chu an zah tih sawiin, ram tana mi hlu ber zing ami an ni, a ti a, hetiang zing ami Darthawma Lungleiin a nei chu chhuanawm a tih thu a sawi a. Darthawma chu Mizote tihmingthatu a nih thu sawiin, zahna chibai bukin a thlanah hian pangpar an dah nghal a ni.
He hunah hian Lunglei Chanmari khawtlang hruaitute leh Darthawma tu leh fate bakah, LMC Vice Chairman K Lalrinawma te’n 3AR Commandant hi an tawiawm a ni.