Premier League hmahruaitu Manchester City chu Arsenal in hnaih taka um zel turin hnehna an chang a. Burnley lakah point thum an sual chhuak.
Kar hmasa a Newcastle United laka tlawm Gunners in Emirates Stadium-ah Burnley tlarhnung thiah an harsat a. Mahse halftime dawnah Leandro Trossard-a’n an stadium a Arsenal goal 1000-na khungin hma a hruaipui.
Second half-ah Burnley in Josh Brownhill hmangin an si phurh sut mahse William Saliba hmangin Arsenal in an khung belh thuai a. Huntawp hma in Oleksandr Zinchenko chuan goal tha tak a khung ve leh bawk.
Arsenla hian huntawp danwah second-half substitute Fabio Vieira chu red card avangin chan mahse a tawp thleng harsatna nei lovin an hmahruaina an hum tluan.
Manchester United in Old Trafford-ah Luton Town an mikhual a, 1-0 a chakin an mamawh tak hnehna an chang.
United tan hianSweden defender Victor Lindelof chuan kum 2020 December hnua a vawikhatna atan United goal a khung a. Red Devils hian an khingpuite hi thunun zawkin an lakah goal hlauhawm siam fo mahse a hmawr an bawk theih thin loh hnuah a team a chhan chhuak.
United hi league inkhel hnuhnung panga atang vawi li hnehna an channa a ni.