Bayern Munich striker Harry Kane chuan Germany a goal khung record a siam chu chhunzawmin goal hnih a khung belh a, German champion in 4-2 in Heidenheim an hneh.
Inrinni zanah Allianz Arena a inkhelah England captain in minute 14-naah goal a khung a, penalty area chhungah ball changin rang taka insiamremin a pet goal.
Halftime dawnah Kane bawkin an goal hnihna a tauh lut a, Bundesliga chanchin a match hmasa 11 atanga goal 17 khung tling thei hmasa ber a ni.
Kane hian Bayern Munich a zawm hnuah an tan inelna hrang hrangah match 15 khel tawhin goal 21 a khung tawh.
Heidenheim in second half-ah Tim Kleindienst leh Jan-Niklas Beste ten goal khungin an si phurh an sut a, mahse Bayern tan Raphaël Guerreiro leh Eric Maxim Choupo-Moting ten goal khung belhin hnehna an chang.
Inkhel dangah season bul tan tha VfB Stuttgart tan top scorer Serhou Guirassy chuan minute 83-naah penalty atang chakna goal a khung a, Borussia Dortmund lakah 2-1 in an chak.
MHP Arena-ah Niclas Füllkrug in Dortmund tan goal khung mahse halftime hma in Denis Undav chuan a sut a, Guirassy-a’n chakna goal a khung.