Paris Saint-Germain in Ligue 1 table chung ber luah turin hnehna an chang a, star player Kylian Mbappe chuan goal thum khungin 3-0 in Reims an hneh.
Inrinni zana Stade Auguste-Delaune II a inkhelah Mbappe hian minute 3-naah goal a khung nghal a. Minute 59-naah a tlan chakna chhawrin an goal hnihna a khung.
Kum 24 mi France forward hian huntawp hma in an goal thumna a khung a. Tun season-ah league ah goal 13 a khungna niin inelna hrang hrangah goal 15 a khung tawh.
Inkhel dangah PSG umtu zing ami AS Monaco an chesual teuh a. Tlawm thei dinhmun a an din hnuah Le Havre nen 0-0 in an inhnehtawk.
Stade Océane-ah huntawp dawnah AS Monaco in penalty an chawi a. Mahse an goalkeeper Philipp Kohn chuan Samuel Grandsir penalty pet a lo dansak.