Brazilian mixed martial artist Alex Pereira chuan Ultimate Fighting Championship-ah kum hnih chiah hun la hmang mahse rihna huang pahnihah world champion a ni thei a. Light heavyweight champion ni turin Jiri Prochazka chu round hnihnaah technical knockout in a hneh.
Pathianni zinga Madison Square Garden a UFC 295-ah a kutthlak a nat avanga lar Pereira hian a vei lamin Prochazka a hnek fuh a, chhuatah kutthlak chhunzawm zuiin referee Marc Goddard chuan bout a titawp zui.
“Vei lamin a fuh hnu khan mak ka ti lo. Ka ke bulah a rawn tlu a, remchang lak nghal ngei kha ka tum. Bout tihtawp kha a hma in ka hre lo.” tiin Pereira chuan a sawi.
UFC chanchin a title pahnih la tura hun mamawh rei lo ber a ni a, vawi sarih khingpui hmachhawn tawhin kum 2022 November khan middleweight champion a ni tawh a. Kuminah lightheavyweight title ruak inchuhnaah a hlawhtling leh a ni.
Co-main event-ah British fighter Tom Aspinall chuan minute 1 leh second 9 chhungin Sergei Pavlovich a hneh a. UFC interim heavyweight champion thar a ni ve bawk.