Robert Lewandowski-a’n second half-ah goal hnih a khung a, Barcelona in an khingpuite lakah goal chhuah hma viau mahse 2-1 in hnehna an chang.
Spanish champion lai hi inelna hrang hrangah tunhnaia an match hnuhnung pathum atang vawi hnih an tlawm a. Estadi Olímpic Lluís Companys-ah Pathianni zanah minute 1-naah goal an chhuah nghal.
Kum 19 mi Alaves striker Samu Omorodion chuan second 18 chhungin goal a khung a. Ilkay Gundogan ball hloh atangin mikhual team in goal an khung.
Alaves in goal khung belhna remchang dang vawi li vel an nei a, Barcelona tlarhnung a pherh hle.
Mahse second half-ah Poland striker Lewan-dowski-a’n minute 53-naah an si phurh a sut a. An remchang neih chhawr tangkai zel thei in minute 78-naah Alaves defender Abdelkabir Abqar penalty chawi atang an si phurh a sut.