Germany a hmahruaitu ni mek Bayer Leverkusen in season bul tha taka an tan chu an chhunzawm a, Union Berlin lakah 4-0 in hnehna an chang.
Xabi Alonso pawlte hian inelna hrang hrangah match 12 hnehna an chang tawh a, Pathianni zana BayArena a hnehna an chan avangin table chung berah an kir a, point hnihin Bayern Munich lakah hma an hruai.
Leverkusen tan tunlaia che tha tak Alejandro Grimaldo bawk inlar lehin minute 23-naah goal an khung a. First half-ah goal khung belh theihna remchang an nei nual.
Minute 57-naah Odilon Kossounou chuan an goal hnihna a tauh lut a. Minute 73-naah Jonathan Tah chuan an goal thumna khungin inkhel a dahtha a. Minute 83-naah substitute pahnih Amine Adli leh Nathan Tella te inkawpin counter-attack atangin tlarhnung an thiat a, Tella in an goal hnuhnung ber a khung.
Leverkusen hian tun season league inkhelah goal hnih tal an la khung vek a, a zawnin league inkhelah vawi sarih an chak tawh.
Hetihlai hian Union hi league-ah a zawna vawi kua an tlawmna a ni.