India mai ni lo, United States leh khawvel ram dang tam takin firfiak (global terrorist) atana puan an duh, Jaish-e-Mohammed chief Masood Azhar chu puan theih loh turin China chuan dan a tum leh nia hriat a ni.
Firfiak atana Azhar-a puanna tur sawihona hi nizan khan United Nations Security Council chuan an nei a, hemi hma lawk hian China foreign ministry thupuangtu, Lu Kang chuan an ramin a dodal leh dawn tih sawi fak lo mah se hetiang zawng hian a sawi a. Khawvel ram tin inlungrual tlanna tura tih a that thu a sawi a, Pakistan leh an ramin an la pawm ve theih loh thu a sawina nia ngaih a ni.