Aizawl : Kar hnih awh tur training on state disaster response force chu nimin chawhma khan 5th Bn IR Headquarters, Lungverh-ah Secretary, Disaster Management and Rehabilitation Department K. Lalrinzuali’n a hawng.
Training hi Disaster Management and Rehabilitation Department leh 5th Bn IR tangkawp buatsaih niin, chhiatrupna a lo thlen thulha chhanchhuah hna thawh dan tur an zirho dawn a. Training hawngtu Secretary DM&R chuan training a tel te chu chhiatrupna a lo thlen thulhah an thiamna te hmang tangkaia, tanpuingai te tanpuitu ni thei tura theihtawp chhuaha training a tel turin a chah.
State Disaster Response Force training-ah hian 5th Bn IR atangin mi 32 an tel a, Disaster Management & Rehabilitation Department, Aiz- awl District Quick Response Team leh National Disaster Response Force lama mithiam ten training an pe dawn ang.
Training hawnna ink- hawm Director, DM&R Benjamin Lalzama kaih- ruaiah hian Commandant, 5 IR Bn PC Lalduhthlanga leh DM&R officer leh 5IR Bn officer te pawh an tel a ni.