Mipa tennis a Grand Slam title vawi 24 la tawh Novak Djokovic chuan world number one ni chungin kum a khar dawn a. Season kharna ATP Finals a inkhel hmasa berah Holger Rune a hneh avangin a dinhmun a chiang.
Pathianni zanlaiah Turin-ah season kharna tournament hi khelh tan a ni a. Green Group lamah Djokovic hi 7-6 (7-4) 6-7 (1-7) 6-3 in a chak.
Kum 36 mi hian a zawnin match 19 chhung hnehna a chang tawh a. Professional tennis a khelh chhungin record ni turin a vawi riatna atan number one niin kum a khar dawn tihna a ni.
Inkhel dangah tualchhung player leh tan hlawh seeded number four Jannik Sinner chuan Stefanos Tsitsipas 6-4 6-4 in a hneh ve bawk.
Djokovic hian record thar ni turin ATP Finals-ah a vawi sarihna atan champion a tum dawn.