Philadelphia 76ers in tun NBA regular season-ah a zawna vawi riat an chakna ni turin Indiana Pacers 137-126 in an hneh.
Thawhtanni zinga inkhelah hian 76ers tan Tyrese Maxey chuan NBA inkhel a point a score hnem ber tum hmangin point 50 a score a. Rebound vawi sarih leh assist vawi nga leh block vawi hnih a nei tel a. Field atang vawi 32 ball ‘shoot’ in vawi 20 a lut.
Joel Embiid chuan point 37 thawh bawkin tunkar a vawi hnih inkhel tur Philly leh Indiana te intawn hmasakah a thlengtu an chak phawt.
Maxey chuan inkhel zawhah, “Joel khan point 50 min neih tir a tum a, ka rilruah sawm nga a awm lo hrim hrim. Ball min pe a, shoot turin min ti. Hei hi ka teammate te leh coach te leh fans te ka ngainat em em chhan a ni. Team pumpui tan zan duhawm a ni.” tiin an chak hnuah a sawi.
Los Angeles Lakers in veteran LeBron James inhliam avangin inkhel lo mahse Portland Trail Blazers an hneh thova. Anthony Davis-a’n point 30 leh rebound 13 la in 116-110 in hnehna an chang.