Inter Milan tan Federico Dimarco chuan goal ropui a khung a, Frosinone lakah 2-0 a hnehna chang theiin Serie A table chung berah an kir leh.
Pathianni zanah San Siro-ah halftime hma deuhin season tha hmang mek Dimarco hian an lam atanga ball la in a tlanpui a, metre 60 a hla atangin a pet a. A goal line chhuahsan thui Frosinone keeper Stefano Turati chuan a dang hman lo.
Second half tan hnu lawkah Ilario Monterisi in Marcus Thuram ti tlu a penalty a chawi chu Hakan Calhanoglu chuan khung bawkin Inter in hnehna an chang.
Inter manager Simone Inzaghi chuan, “Kha goal kha khawvel pumin kan ennawn fo ang. Inkhelah kan inhnehtawk lai tak a ni a, team tha, mumal taka inrem lakah goal ropui kan khung a, kha khan kan tan kawngka a hawng a ni.” tiin inkhel zawhah a sawi.
Inkhel dangah Serie A champion lai Napoli chu Empoli lakah 1-0 in an tlawm a. Stadio Diego Armando Maradona-ah mikhual midfielder Viktor Kovalenko chuan goal a khung.