Kumin a mipa tennis a sang taka invawrh, Spanish tennis star Carlos Alcaraz chuan season tawp kharna inelna ATP Finals a vawikhat khelhnaah a tlawm nghal a. Alexander Zverev in a beih letna a dal zo lo.
Turin a inkhelah Wimbledon champion Alcaraz hi German star lakah hian6-7 (3-7) 6-3 6-4 in a tlawm a. Zverev hi he inelnaah hian mikhual lo hle in kum 2018 leh 2021 khan a lo champion tawh.
Kum 20 mi Alcaraz hian kum 2021 March thla hnua a zawna match thum a tlawm leh hmasak ber a ni a. Nikum khan hliam avangin kumtawp a rankings sang pariat in an khelh thin tournament hi a khel thei lo tawh a ni.
Thla hmasa khan hnungzang leh a ke lamah hliam a neih avangin chawlh a lo nei tawh a, Paris Masters-ah kir lehin hetah pawh hian a tlawm nghal.
Red Group inkhel lehlamah seeded number three Daniil Medvedev chuan a hnampui Andrey Rublev 6-4 6-2 in a hneh ve bawk a ni.