Premier League club pahnihin January thla hian Sporting defender Ousmane Diomande chu lakluh an inchuh dawn a, Arsenal in an ngaihven lai hi Newcastle United in an chuhpui dawn niin British chanchinbuten an sawi.
Eddie Howe-a pawlte hian tlarhnungah inhliam an ngah avangin inthuamthat an duh a, kum 19 mi feet 6 leh inches thum a sang center-back hi an ngaihven a, tunkar a Benfica nena an inkhel en turin scout an tir.
September khan Arsenal in Ivory Coast international hi an ngaihven tawh nia sawi a ni a. Euro maktaduai 35 a lei an dilna chu Portuguese club in an lo hnawl tawh niin an sawi bawk.
Kum 2027 thleng Sporting a contract nei Diomande hi Pound maktaduai 60 man vel a ni dawn niin an sawi.