Mizoram Larsap Dr Hari Babu Kambhampati chuan rilru lama harsatna tawk mi takin nunna an chân mek tih a sawi.
Thawhlehnia School of Medical & Paramedical Sciences, Mizoram University-in ‘Emerging Trends in Psychology Interventions (Health and Allied Sciences): Future Prospects and Challenges’ tih thupui hmanga rilru lama hriselna chungchang zirhona, ni thum chhung awh tur a hawnna inkhawm MZU Auditorium-ah larsap hian he thu hi a sawi.
Dr Kambhampati chuan tun lai khawvel hmasawnna sang zelah sum leh pai, ei leh bar bakah mahni bil hmasawnna tura intlansiak a nasat avangin rilru lamah nasa takin mihringte hriselna a tla hniam mek nia sawiin, “Tunah hian rilru lama harsatna tawk avangin mi tam tak an buai mek a, mi tam takin nunna an chan mek bawk a. Chuvangin, rilru lama mithiamte hnathawh tur leh chona tam tak kan khawtlang nunna hian a awm mek a ni,” tiin, Psychology lam mi thiamte leh zirlaiten mawhphurhna pawimawh tak nei mekin chonna lian tak an hmachhawn mek tih a sawi.