Aizawl: Mizoram Chief Electoral Office hnuai media cell-in ni tin chhuak chanchinbute tana kumin MLA inthlanpui chungchang leh vote thlak tura inzirtirna lam hawi thuziak tha intihziak a buatsaihah Aizawl chhuak Virthli chanchinbu chu pakhatna a ni.
Nilaini khan Assl CEO H Lianzela, Nodal Officer, Media Cell, chuan intihsiakna lawmman dawngtute hi a puang a. He intihsiaknaa tel chanchinbu pariatte chu Media Cell, CEO office member ten tehfung hrang hrang hmangin an endik a. An endikna atangin Aizawla ni tin chhuak chanchinbu, Virthli chu pakhatna a ni.
Intihsiakna lawmman pakhatna dawngtu, Virthli chanchinbu hian Rs 30,000 leh thuziak a dawng a. Champhaia ni tin chhuak chanchinbu, Lenrual chu pahnihna niin, Rs 20,000 leh thuziak a dawng a. Pathumna chu Serchhip-a ni tin chhuak chanchinbu. Zothlifim niin, Rs 10,000 leh thuziak a dawng bawk.