Ram inpumkhatna atan leh state danga chengte nena inhmelhriatna tha tak atana hmalakna pakhat, Ek Bharat Shreshta Bharat hnuaiah nimin khan Raj Bhavan-a Durbar Hall-ah Jharkhan leh Uttarakhand state Formation Day lawm a ni.
Uttarakhand state hi November 9, 2000 khan Uttar Pradesh Reorganization Act, 2000 hmangin Uttaranchal tia din a ni a, Uttar Pradesh state atangin then a ni. January 1, 2007 khan Uttaranchal chu Uttarakhand tia thlak a ni a, state a nih hmaa helai hmun sawina hminga a pu ta a ni.
Jharkhand hi November 15, 2000 khan Bihar state chhim lam chanve emaw vel sahthlak atanga din a ni.
Formation Day puala hun hmanah Mizoram larsap Dr Hari Babu Kambhampati chuan, he ni pawimawh takah hian state pahnih mipuite chu chibai bukin lawmpuina a hlan a. State pahnih a lo pian theihna atana theihtawp chhuahtute, hruaitu pawimawh tak tak te leh khua leh tui mi tangkai takte zahna chibai a buk a ni.
Dr Hari Babu Kambhampati chuan tribal mite zinga zalenna sualtu, hruaitu huaisen leh ropuite zahna chibai bukin, tribal zinga zalenna sualtute chawimawina atan Birsa Munda piancham chu India sorkarin Janjatiya Gaurav Divas atan kum tin hman tura a puan thu te a sawi bawk.
He hunah hian Uttarakhand leh Jharkhand Governor-te’n thu an sawi bawk.