Aizawl: YMA rorelna sang ber dawttu, Central Co-Ordinnation Committee (CCC) meeting vawi 98-na chu nimin khan khan Vaivakawn YMA Hall-ah neih a ni.
CCC thutkhawm hi Central YMA President Lalhmachhuana’n a kaihruai a, October thlaa Biate khuaa YMA Inkhawmpui Lian neih tak thlirletna hun hman niin inkhawmpuia an thurel bawhzui dan tur chungchang relin, hmalakna tak tak chu Central Executive Committee kutah dah vek a ni.
Thutkhawmah hian Central YMA General Secretary Prof. Malsawmliana’n meeting neih hnuhnung ber leh tun inkara Central YMA chetvelna leh hmalakna hrang te, rorel thu an bawhzui dan te report a pe a ni.
CCC member-te chu Central YMA Office Bearer-te, Central YMA CEC member-te, Sub Hqrs. aiawh mi paruk, Group YMA aiawh mi pahnih leh Aizawl khawpui chhung Branch YMA aiawh mi pakhat theuhte an ni a, nimin thutkhawmah hian member 227 an kal a ni.