- Lallunghnema, Charity Lodge
Chhiartute hnen atangin fakna leh fuihna thu ka dawng thin a. Ka lawm em em a ni. Thurawn pawh min pek ka mamawh hle a ni.Tun lai tak hian Zoram hmun hrang hrang atangin complaint kan dawng tha hnem viau mai a.Heng complaint-te hi fimkhur taka buaipui a ngai a.Sumdawngho huaisen tak,thiam taka biaksak a ni thin a. Ukil kan nih ve loh avangin fimkhur a ngai leh zual a,inpekna nasa tak a tul thin a ni.
Hman ni lawk khan kan thian tha zinga mi pa pakhat Officer pensioner hian khawthlang lama ka zin laiin min lo phone a.Ani chuan a bungraw chah chungchanga harsatna a tawh thu min hrilh a ni.
Theih tâwp chhuaha hma lak sak ka tum thu ka hrilh a. Tin, kan thianpa pakhat dang, Officer pensioner bawk chuan Private Damdawi in pakhat bill siam tam uchuak tak mai avanga an lungawi loh thu leh hma lakpui tura min duh thu a sawi a.
Heng officer 2-te thil hi remchang hmasa berah kan umzui dawn a ni. Democracy ramah hian consumer-te an zalen tur a ni a, an dikna leh an chanvote chu humhalh sak a, venhim sak tur a ni. Sawrkar tha leh tha lo tehna chu consumer-te dikna leh chanvo an humhalh sak danah a ni.
Ka message dawn zinga mi ka han pho chhuak ang e.
“Call i pick-up thei lova, ka lo message tawp che, ka pu.
Zawhna : ” I. G-ah book fair 2 Nov. 5 khan ka order a, ni 7 hnua lo thleng tura tih a ni a, tun thlengin a lo la thleng thei si lo a, engtia tih chi nge ni ang le?
Chhanna : Ka chhanna “Ka buai lutuk a, ka en hman chiah, hengte hi ka hre duh.
1) Complainant hming leh address.
2) Bungraw chahna company hming leh contact number.
3) Bungraw hming leh a man zat.
4) Pawisa pek zat (Bungraw man).
5) Eng nge in phut ?
Zawhna : Engnge chanchin, ka pu?
Chhanna : Complaint hi a tam avangin a seniority in ka ti thin a, ka buai khawp mai, remchang hmasa berah kan ti dawn nia.
Comment : He tlangval hian ballboot November 2022-ah a chah a, tun thlengin a la thleng lo! Mak tak a ni. Phone pawh he Shoe Locker hian an la tha duh lo a ni awm e. An sual hle. Kan hnena complaint thlen nachang hria he tlangval hi a fakawm hle thung a ni.
Aizawl tlak lam veng pakhat atanga ka complaint ka dawn hi lo chhiar teh.
“Kan buaina chu hetiang hi a ni. Kan veng pa, kan vengah Local Council Member a ni a, dawr a hawnga, rod leh cement a zuar a. Manager atan vai a hmang a, Raju a ni. In kan sak dawn hnaihah kan inah lo kalin, amah dawr turin min lo ti a. Pawisa kan deposit lawk theih chuan cement leh road a rate lo up mahse, a rate tlawm lai ang veka kan lak theih tur thu min hrilh a. A tawi zawngin sawi ila, pawisa chu ama(Pu Sawma) account-ah tlem a zawng kan deposit. Mahse, amah zawkin a manager vaipa bula deposit tawh turin min lo hrilh a. A vaiin Rs. 350000/- kan deposit a. Bungrua chu Rs. 130000 man vel kan lak hnuin bungrua chu an nei ta lo va, an vaipa bungraw la tura kal chu tun thlengin a lo haw tawh lova, mahse anni chuan dawr chu an la siam thova. Bungrua pawh an la nei reng tho a ni. Bungraw lak an phal ta lova. Dawr neitupa chuan, keima kutah pawisa in pe hlei nem, a ti ta daih a. Keini zawkin vaipa chu kan theih ang angin kan zawng a, tun thlengin kan la hmu lo a ni.” A khirh khawp mai. Consumer Protection Act 2019 huang a ni em? tih zir a ngai a ni.
Consumer complaint thehlut tute hi an fakawm thin hle. Mi changkang tak an ni. Mahni ‘right’ hriat hi changkanna a ni,kan tih thin kha.He thu hi a dik zel dawn!
He Judgement Report hi lo thlir leh teh aw!Sap tawnga inziak ang ang hian ka han tar lang leh teh ang.
“Consumer Court orders Tata Apple to pay refund plus Rs 45k for sending damaged iphone to buyer.”
Tun hnai mai a, Sonipat, Haryana State – a District Consumer Disputes Redressal Commission chuan iphone X5 chhe sa(damaged) an customer an thawn avangin Rs. 1,11,356 e-commerce platform Tata Clip & Apple chu chawi turin thutlûkna a siam a. He Judgement & Order hi Complsinant Sonu Pawan leh Tata Clip Inkhinna atanga siam leh tihchhuah a ni. He pawisa chawi tur bakah hian rilru tihnat manah Rs. 10000/- lai chawi turin mobile phone company hi thupek chhuah khum a ni.
Consumer Commission hnena Complaint file naa senso atan. Rs. 3500 chawitir an ni bawk.
— Source: Bar & Bench. Nov. 15, 2023 7:18pm.
Chhuak hmasa lamah khan Gas chungchang,Ration chungchang,Electric chungchang ka rawn ziak a.I nitin mamawh a ni.
Heng essential commodities leh service-te, ration(buhfai), electric, gas hi lo bel chiang hram teh u.
Consumer-te chuan an thil hman leh lei naahte harsatna an tawk thin.An retheih avangte,an dawihzep avangin an thil tawnte chu an ngawih bopui mai thin a.Pawisa tam tak an chân phah thin a,an khawngaih thlak êm êm a ni.Chung mite chuan min pan thei reng,an harsatna rawn thlen zel rawh se,kan lo tanpui zel ang.A hlawhtlinna erawh kan ni lova,consumer kutah thui takin a innghat a ni.Zam suh,hlau hek suh,i tan mi tam tak an ding e.
Please visit : Centre For Consumer Education : Republic, Mualveng Chung, Aizawl, Mizoram.
Pincode : 796001
Contact : 9862288182