Aizawl: Mizoram State Assembly inthlanpui neiha vote tlate chu December 3, 2023, Pathiannia chhiar turin inbuatsaih kalpui mek zel a ni a. Nimin khan Lunglei district chhunga Assembly bial paruk – Lunglei North, Lunglei East, Lunglei West, Lunglei South, Thorang leh West Tuipui biala vote tla te chhiar huna candidate, election agent leh counting agent te vote chhiar chungchangah briefing neih a ni.
DRDO Conference Hall, Lungleia training neih hi Lunglei District Election Office Ramdinliani chuan hmanpuiin thu a sawi a. Ramdinliani chuan Saikuti Hall ground floor a vote chhiar a nih tur thu sawiin, vote chhiar dan tur leh ruahmanna an siam dan te bakah candidate, election agent leh counting agent-te hriattur leh zawm tur te a sawi a. Vote chhiar tluang taka kalpui anih theih nan official te tawiawm theuh turin a sawm.
Training hi State Level Master Trainer Beitlotha Nohro, DTO/DLAO, H.Zonunmawia SDO (C) Tlabung te chuan counting agent-a ruat chungchang leh vote chhiar nia hriat tur tul leh pawimawh an sawi a. Postal Ballot, EVM leh Electronically Transmitted Postal Ballot Paper (ETPBS) chhiar dan te an inhrilh fiah.