Aizawl : National Pollution Control Day pualin kar kalta khan Mizoram Pollution Control Board (MPCB) chuan Sakawrh- muituai tlangah thing phun in bawlhhlawh an tifai.
National Pollution Co- ntrol Day hi December ni 2 ni mahse, sorkar pisa chawlh a nih avangin December ni 1 (Zirtawpni) khan MPCB hun an hm- ang a. Environtmen Engineer C. Lalmuanpuii’n zirlai kalkhawm hmaah thu sawiin, boruak leh lei- lung tibawlhhlawh lo tura fuihin, bawlhhlawh thliar leh a paih kawngah hmâ la zêl turin a chah. Ram ngaw leh thing leh mau humhim nâna nunphung thlâk danglam ngaite thlâk turin an intiam a ni.
Govt. Sihphir Veng- hlun HS Eco-Club te leh zirtirtute bâkah MP- CB te chuan Green Mizoram Day-a an thing phunte en tha-in, a hnim zualte an sâmfai a. Banner târin chhinchhiahna fel tak an siam a. Bawlhhlawh te chharkhâwm in Sihphir khaw chhûngah sarâng ip hmang lo tura inzirtirna neiin lehkha ip zahnih chuang an sem bawk.