Kolkata club SC East Bengal in an match hnuhnung pali atanga point khat chiah an hmuh hnuah thui taka an hmalam hun nghawng thei tur result an nei a, NorthEast United FC chu 5-0 in an hneh.
Thawhtanni zana Salt Lake Stadium a inkhelah Carles Cuadrat-a pawlte hian minute 14-na leh 24-naah Borja Herrera leh Cleiton Silva te hmangin goal an khung a. Second half-ah Nandha Kumar Sekar chuan an goal thumna a khung hnuah Silva bawkin khung belh lehin Kumar Sekar hian an goal hnuhnung ber a khung ve leh bawk.
NEUFC hian inkhel tawp dawnah penalty hlawhchhuak mahse Nestor Albiach chuan goal-ah a chantir thei lo.
East Bengal tan hian Indian football a player thangduang ber zing ami Mizo defender Lalchungnunga chu a inkhel tluan a ni.