AIZAWL: MNF party chuan nimin khan MNF Legislature Party dinin, Leader-ah Lalchhandama Ralte an ruat.
Mizoram state assembly inthlanpui neih zawh taka MNF Party atanga MLA atana thlan tlin mi 10 te’n MNF Legislature Party dinin, an hruaitu tur an in ruat fel a. Tuivawl Bial atanga thlan tlin Lalchhandama Ralte chu Leader-ah ruatin, Dy. Leader chu Dampa Biak atanga thlan tlin Lalrintluanga Sailo, Secretary-ah Thorang bial atanga thlan tlin R Rohmingliana leh Treasurer-ah West Tuipui atanga thlan tlin Prova Chakma-te an ni.
Member-te chu Robert Romawia Royte, Lalrinsanga Ralte, K Laldawngliana, H Lalzirliana, Ramthanmawia leh Rasik Mohan Chakma-te an ni.