Sorkar lai- puia Ministry of Information & Broadcasting sum Rs. nuai 100 senga ‘Experiential Learning Centre (ELC)’ Champhaia din tur chungchang ngaihtuahin nimin khan ELC Management Committee chu an Chairman Champhai Bawrhsap James Lalrinchhana kaihhruaiin Champhai DC Conference Hall, Keifangtlangah an thukhawm a. Champhai ELC hi Mizorama ‘Experiential Learning Centre (ELC)’ hmasaber tur a ni.
ELC Management Committee Chairman Champhai DC James Lalrinchhana chuan ELC chungchang sawizauin, ‘Experiential Lea- rning Centre (ELC)’in a tum ber chu naupangte leh thalaite tana technology thil thar hrang hrang an inzir theihna tur hmun ruahmana, hmanraw hrang hrang chhawpchhuah sak a nih thu a sawi a. ELC ah hian Augmented Reality, Virtual Reality leh Metaverse khawl hrang hrangte dah a ni dawn tih sawiin, sorkar laipui Ministry of Information & Broadcasting sum Rs. nuai 100 senga ruahman tur a nih thu leh 100% Central funding a nih thu a sawi.
State sorkar in he project atan hian insen ve a ngai lova. A enkawl chhunzawm na leh, khawl repair leh thawktute hlawh te chu amaha intum thei tura beisei a ni thung. ELC din na tur hian tun dinhmunah sanction tih fel tawh niin Rs. nuai 50 dawn tawh a ni a, hnathawh pawh tan nghal tum niin January tha chhungin hawn hman beisei a ni.
ELC Management Committee Chairman Champhai DC chuan tunlai khawvel chang- kang chho zelah information technology lama hmasawnna hrang hra- ngte thangthar ten an inzir ve zel a tul thu sawiin, ELC chu Champhai District-a zirna ti hmasawn tu hmanraw pawimawh tak a la nih ngei a rin thu a sawi a. Zirlaite ah Science and Technology leh information technology lama tuina leh thiamna a thlen ngei a beisei thu a sawi.
Bawrhsap chuan ELC Champhai district-a din a nih theihna tur hian tum tam tak sorkar Laipui Ministry of Information & Broadcasting hotute a dawr thu pawh sawiin, he project tihhlawhtlin theihna tura kawng engkima lo kaihruaia lo ngaihventu Armstrong Pame, IAS, Director, Ministry of Information & Broadcasting, Government of India chungah lawmthu a sawi bawk.
ELC Management Co- mmittee thukhawm chuan Champhai Dist ‘Experiential Learning Centre’ din na hmun atan CHA- NEM Building, 2nd Flo- or chu a hmunah en ho- vin, lungrual takin an pa- wm a. UD&PA Engine- er-te enkawlna hnuaiah a chhung chei hna thawh nghal tur a ni a, 1152 squ- are feet a zau a ni dawn a, Augmented Reality, Virtual Reality leh Metaverse khawl hrang hrangte dah a ni dawn a ni.