Vawi hnih champion tawh Rafael Nadal chu kumthar a Australian Open khel thei tur zingah a hming a awm a, kum khat dawn inhliam avanga a inkhelh tawh loh hnuah inelna hmachhawn leh thei turin a inbuatsaih.
Kum 37 mi Nadal hi nikum Australian Open-ah a kawng a tihnat hnuah a la inkhel leh lova, tunhnaiah January a Brisbane International ah a inkhel dawn tih tichiangin court-ah a kir leh tur thu a sawi chiang tawh.
Hetihlai hian tualchhung player Nick Kyrgios chu an ram tournament-ah hian a inel ve thei dawn lo niin a lang a. Inhliam avanga a buaina in a la kiamsan thei lo.
Kum 28 mi hian nikumah season tha hmang mahse kuminah Grand Slam pakhatmah a khel thei lova. Thla hmasa khan January a inel hman tur chuan a tan thil mak a thlen a ngai dawn niin a lo sawi tawh.