Ruahsur nasa hnuaiah Aizawl FC an buai lo. Manipur club TRAU goal-ah tum nga lai khungin 5-1 in hnehna an chang.
Ningani zana Kalyani Stadium a inkhelah hian Aizawl FC tan striker rinrawl Lalrinzuala chuan minute 16-naah penalty atang goal a khung a, minute 23-naah khung belh leh bawkin tun season I-League bikah goal riat a khung tawh a. League a goal khung tam lamah pahnihna a ni mek.
TRAU tan Robinson Singh Soraisam chuan goal khung hmasa mahse Aizawl FC laka an tlo rei lo. Second half-ah Gerard Williams own goal Aizawl FC in an neih belh a. Joe Zoherliana chuan minute 53-na leh 58-naah goal a khung belh ve leh bawk.
Hnehna an chan avangin Aizawl FC hi panganaah an inhlangkai a, match riat atang vawi li an chakna niin Real Kashmir nen an point hmuh zat a inang a. Hetihlai hian TRAU hian point khat bak an la hmu lo.