Central YMA in krismas leh kum thar vuakvetah ruihhlo, halpuah leh halmawi chungchangah khauh takin hma an la dawn.
Central YMA chuan Mizoram sorkarin a ngen angin krismas leh kum thar vuakvetah ruihhlo a zalen loh nan leh dan lova hnamdang sumdawngte dapchhuak a, halpuah leh halmawite zawrh leh hman a nih loh nan hma an la dawn a. Inrinni khan hmalak tanna hun chu Central YMA Zawlbuk, Tuikhuahtlangah neih a ni.
Inkhawmah Central YMA Vice President Prof. Lalnuntluanga, Kumpuan Committee Chairman ni bawk chuan thu sawiin, “Krismas leh kumthar vuakvet ah mipuite him leh thlamuang taka kan awm theihnan, nasa zawka ruihhlo do a, halpuah leh halmawi chhiatna thlen thei te hman anih loh nana hma la theuh turin Sub-Hqrs. YMA te leh Branch YMA zawng zawngte mahni huam chhung theuha hma la turin ka sawm in ka ngen a ni,” a ti.