Chief Minister Lalduhoma leh a nupui Liansailovi te chuan Mizoram Chief Minister hmasa ber Ch. Chhunga nupui Rothangi chu a chenna in, Saron vengah a tlawh a, duhsakna chibai bukin pangpar an hlan.
Rothangi chuan sorkar tluang tak a kaihhruai theih nan chief minister Lalduhoma chu duhsakna hlanin, a lawmpui thu a lo hrilh a, Bungalow-a an luh hunah la tlawh ve ngei a tum thu a sawi.
Mizoram chief minister hmasa ber Ch. Chhunga khan kum 1972 a Chief Minister a nih khan Lalduhoma hi a Private Secretary ni turin a ruat a, chuta tang chuan vawiin thlengin inpawh takin an awm zui ta a ni.
Rothangi hi tunah kum 99 mi a ni mek a, a taksa hriselna pawh a la tha viau niin a insawi.
Chief Minister in a tlawh lai hian Rothangi hi a tu leh fate’n an tawiawm a ni.